تعلم فن الطهي

نبتدي بسم الله حوالي كيلو لحمة اللي تحبيها من الخروف او عجالي مغسوله كويييييييييييس وتحطيها في طاجن او صنية فرن ونتبها بملح وفلفل وتوم ناشف لو عندك وكوبايه ميه ونغطيها ونرفعها على النار حوالي نص ساعه او اكتر شويه لحد ما تستوي نص سوا ونكون مجهزين بصل متقطع وطماطم طريه متقطعه وتوم وفلفل اخضر وعليهم بهاراتك المفضله انا حطيت بهارات كبه وعصير ليمون وفلفل اسمر ونحطهم على اللحمة و نرفعا تاني على النار تغلي وبعدين نغطيها وندخلها الفرن حوالي نص ساعة تانيه وبعدين نكشف عليها ونضيف البروكلي اخر حاجه ونسيبها تتحمر من فوق ودا شكلها او ما خلصت ودي صورة من قريب وقدمت معاها رز بشعرية وكوسة بصلصة الطماطم ملوخيه ناشفه

** طااااجن لساااان العصفوووور ** من نفس الشوربه بس قطعت اللحمه حتت اصغر شويه وجبت طاسه وحمرت اللسان عصفور فى سمن بلدى وبعد لما احمر حطيته فى الطاجن بس المهم ميكونش كتير لانه حينفش طبعا وبعدين حطيت اللحمه وبعدها الشوربه وعلى الفرن عددددل وكل شويه بصى عليها لو شربت الشوربه ولسه مستوتش زوديها تانى لحد لما تستوى ويحمر وشها بالشكل ده واقرب واقرررررررررررب حقيقى الطعم هاااااااااااااايل بجد

** اللحمه المحمررررررره بعد لما اللحمه اتسلقت طلعتها من الشوربه وحطيت معلقه سمن بلدى وقليتها بالسمن والريحه طبعا فاهميييييييييين وبجد طعمها جاااامد خر حاجه واللى معندهاش سمن بلدى اعمليها بالزيت بتكون حلوه ورشيت عليها ملح وفلفل اسود وكلى ياشااااابه ههههه مقرمشه من بره وطرريه من جوه ** الرقااااااااق كسرت الرقاق فى صينيه وحطيت السمن اللى قليت فيه اللحمه عليه بيكون راااائع وعليه الشوربه وشويه فلفل اسود وياجمااااااال الفته تصدقو بالله والله احلى من فته العيش

براااااااام الرز تجيبى رز وتغسليه وتحطى نص البرام رز وشويه شوربه وشويه لبن ومعلقه قشطه وبس انا هنا القشطه مكانتش مكفيه عملت ايه حطيط قشطه وسمن فلاحى وكانت رووووووووعه

نبدا وصفاتنا مع ورقه اللحمه ودى مكوناتها وممكن اضافه اى خضار تحبيه جزر بتنجان اى نوع بس نصيحه بلاش الفاصوليا لانها بتعمل طعم غريب فيها اوكى هنا نلخبط كل المقدار على بعض بعد اضافه الملح والفلفل الاسود واى بهارات تحبيبها ونحضر الورق الفويل ونحط الخليط كله على بعض وطبعاااااااااااااا بدوووون سمن خاااالص وحتلاقيها تجننننن وخفيييفه واللحمه بتنزل صوصها والريحه واوووووو ونقفلها كويس جدا ونحطها على صينيه او على الصاج بتاعه الفرن على درجه حراره 200 وحتستوى واللحمه بتستوى فيها بسرعه جدا وكانت الريحه قالبه الدنيا شوفو شكلها والريحه طب زووووووووووووووم يارب تكون عجبتكم

طاجن الجمبرى اللى هتاكلى صوابعك وراه بجد طعم و رائحة واااااو تعالوا شوفوا طريقتى كده وقولوا بسم الله ❦ بصوا يا فتوكات انا كان عندى كيلو جمبرى بس صغير قلت مش هينفع يتقلى فقلت أعمله طاجن قمت نظفته وغسلته كويس جداً وحطيته فى المصفى علشان يصفى ميته خالص ❦ نجيب 3 : 4 قرون فلفل أخضر وحااامى (حسب الرغبة ) بس بيبقى رائــــع 2 : 3 بصلات مقطعة حلقات 3 جزرات مبشورة و 3 حبات طماطم مكعبات بس نسيت أصورها مع المقادير ❦ فى الصينية بتاعتى بحط حوالى 4 ملاعق زيت ذرة ❦ وأضيف البصل المقطع حلقات وأقلبه لحد ما يدبل شوية ❦ وبعدين أضيف حلقات الفلفل الرومى كمان ❦ وبعدين أحط الجزر المبشور على البصل والفلفل ❦ ولما الخُضار يدبل أضيف مكعبات الطماطم والتوابل اللى أحبها ملح وكمون وبهارات سمك وفصين توم مدقوق وأقلبهم شوية ❦ وبعدين أضيف الجمبرى بالشكل ده ❦ و أول ما الجمبرى يدخل على سوا أقلبه فى الطاجن وأغطيه بالفويل وجرررى على الفرن فى درجة حرارة متوسطة ❦ بيقعد فى الفرن حوالى 1/2 ساعة وبعدين بطلعه ❦ مش قادرة أقول لكم لما طلع بجد واااو على الرائحة الحلوة بتاعته ❦ كنت

بسم الله هتجيبي لحمة مفرومة لكمية اللي عايزاها تكون بقري ونسبة الدهون فيها 15%تطلبيها كده من الجزار هتفردي ورق بلاستيك او اي كيس نضيف وتفردي عليه اللحمه من غير اي توابل او ملح وتجيبي حاجه مدورة وتقطعيها ملحوظه مش مش تخليها سميكه بسي خليها واسعه يعني اوسع من العيش بتاع الهامبرج علشان اللحمه هتكش وهتغطس جوه الساندوتش هتجهزي طاسه على النار فيها نص معلقة زبده وتسبيها تسخن جدا وبعدين تنزلي الهامبرجر فيها وبعدين تهدي النار تحته وتسبيه هينزل سوايل عادي هيشربها تاني وعلى ما يستوي تجهزي جبنه من دي معرفشي اسمها نستو تقريبا وتقطعي خس نااااااعم زي كده وطماطم بردو شرايح رفيعة وممكن جزر او خيار لو تحبي وبردو شرايح رفيعه خالص وتعملي الخلطة السحرية بتاعت المطاعم اللي بتديه الطعم وهي كتشب على ميونيز وممكن مسترده لو بتحبيها ومعاهم رشة سكر ونص معلقة صغيرة خل وتقلبي الهامبرجر على الناحية التا نيه تسبيه 10دقايق يستوي وتجيبي الجبنه وتحطيها عليه كده في الطاسه وتسبيها تسيح وتجهزي العيش الكيزر بتاع الهامبرجر ولازم يكون طازة وطري وتدهنيه بالكاتشب والخلطة اللي عليها وترصي الخس والخضار للي تحبيه على ناحية وعلى ال