تعلم فن الطهي

بطاطس محشية بالجبن امممممم لذيذة المقادير بطاطس جبن كيري زيتون شرايح ريحان و ممكن تستغني عنة - ملح - فلفل أسود زيت زيتون الطريقة/ البطاطس يغسل ويقطع من ربعه اللي فوق ويقور من جوا للحشوة وتدهن البطاطس بزيت زيتون والريحان وملح وفلفل أسود ونحطها في قصدير وإلى الفرن ساعة إلا ربع لحد ما تحسي أنها أستوت الحشوة عبارة عن جبن كيري مع الزيتون الأسود والريحان ؛ تحشى وتقدمساخنة و بالف هنا    

    صوص الباربيكيو البيتي.. الوصفة سهلة جداً وتستوعب اي حاجة عندك في المطبخ مش عايزاها حطيها فيها وعلى ضمانتي.. وزي ما احنا متفقين انا معنديش مقادير عشان أعمل كمية تفضل في التلاجة لاي وقت بدأت بازازتين كاتشب.. في حلة ع النار وحطيت عليها يا ستي الآتي.. كمية من السكر البني - السكر العادي - عسل أسود - عسل أبيض - مستردة - صويا صوص حلو - ملح - فلفل - بشر برتقال وشوية عصير برتقال - بودرة توم - بودرة بصل - بابريكا - شطة- بودرة قرنفل وزنجبيل وقرفة.. عصرت طماطم كمان وحطيتها عليها يعني شوفي عايزة يظهر فيها طعم ايه وحطيه وتسيبها تغلي على النار تغلي تغلي تغلي بس ع الهادي.. لغاية ما تبقى سميكة.. في ناس بتبدأ فيها من الاول ببصل مفروم وتوم وطماطم كأنك هتعملي صلصة مكرونة وبرضه بتحطي عليها كوووووووول الحاجات دي والكاتشاب وكله تاخديها بعد كدة تعبيها في ازايز الكاتشاب.. بتبقى مركزة اوي فلما تحبي تستعمليها خففيها بشوية مية وتوكلي على الله

رغيف اللحمه meat loaf المقادير نصف كيلو لحم مفروم 2 بصلة كبيرة مفرومة كوب ونصف بقسماط نضع كوب فى خليط اللحم والكمية الاخرى فى القالب الذى نخبز فية 4 بيضات الملح والفلفل معلقة مسطردة معلقة عسل ابيض نصف كوب كاتشب نخلط جميع المكونات معا ماعدا الكاتشب نقسم الكمية الى قالبين و ندهنهم بالكاتشب من كل الجوانب وتدخل الفرن لمدة 35 دقيقة على درجة 280 وفى اخر 10 دقايق نعلى درجة الحرارة الى 200