السبت، 3 مايو 2014

المندي ولا الجاهز ويشرف


النهارده هنعمل مع بعض
.
.
.
.
.
.

حلو جو الاثاره دهاحلى ابتسامةاحلى ابتسامة

هنعمل المندي

سامعه طبعا اللي بتقول هنعمل المندي ازاي ده ليه افران خاصه

انا عارفه بس احنا مفيش حاجه بتقف قدامنا

هنعمله في الفرن بتاعنا عادي

المقادير

فرخه متوسطه او اكتر حسب عدد افراد الاسره

(الفراخ متبله من قبلها بالبصل والملح والفلفل )

نص كيلو رز بسمتي

مرقه _5 وحدات حبهان _3 ورق لوري

2ليمون لومي _ملح_فلفل

ملعقه سمن _2ملعقه زيت ذره

ملعقه صغيره كركم دايبه في 2 ملعقه زيت

الطريقه

اول حاجه هنجيب الفراخ وندهنها بالكركم والزيت من كل ناحيه

ونركنها علي جنب


هنحط السمن علي الزيت في الصينيه اللي هنعمل فيها المندي

نضيف عليهم الفلفل والحبهان واللوري والليمون


ونحمرهم علي نار هاديه وبعدين نضيف الارز ونشوحه حوالي دقيقه مش اكتر


نضيف المرقه المغليه عليه ونظبط الملح

الشوربه تكون زي الصوره كده مش اكتر


انا عارفه ان الارز البسمتي بياخد ميه كتير بس هنا هو هيستوي في الفرن وكمان لسه الفراخ هتنزل عليه الميه بتاعتها

نغطي الصينيه بطبقتين فويل ونقفل كويس قوي علشان نكتم البخار جواها

بسكينه ببوز رفيع نعمل فتحات في الفويل


الفتحات دي فايدتها انها تطلع البخار بتاع الارز علشان يسوي الفراخ

وف نفس الوقت ميه الفراخ تنزل علي الارز وتدخيله طعم خراااااااااااااااااااااااافي

نحط الفراخ بتاعتنا علي الفويل


هنقفل عليهم بطبقتين فويل وندخله الفرن لمده نص ساعه علي نار عاليه


وبعدين نهدي الفرن خالص لمده ساعه ونشوف لو الفراخ استوت خلاص لو لسه نغطيها تاني

لمده ربع ساعه كمان

بنختبر الفراخ باننا ندخل فيها سيخ الشيش طاووك او سكينه رفيعه

لو نزلت ميه تبقي لسه نيه

لما الفراخ تستوي اشيل الفويل واسيب الفراخ تحت الشوايه يتحمر وشها

وبعدين اولع فحمايه واحطها في ورقه فويل او زي اللي كانت جنه عاملاها في الفويل بتاع الكب كيك

واحط عليها ملعقه زيت واغطيها بسرعه علشان كلها تاخد الريحه بتاعه الفحم

بعد شويه اشيل بقي الفويل واشيل الفراخ هتلاقي الرز شكله كده


مش لا قيه الصوره تخيلوا انتو بقيحزينةحزينة

هو بيبقي لونه ابيض كله

نقلبه هتلاقي الرز لونين لون ابيض ولون اصفر مكان الكركم اللي نزل من الفراخ

زي كده



خدي الصينيه دي جري وعلي السفره علي طول وهو سخن راااااااااااااااااااااائع



الرز شارب من الفراخ وطعمه حلو قوي

والفراخ مستويه وطريييييييييييييييييييييييييه خالص