كيكة برتقال شهيه ولذيذة

** كيكة البرتقال**

كيكه رائعه و فاخره و طعمها يجنن و سهله جدا و مضمونه باذن الله

الصور دى من مطبخى

المقادير :

2/1 نصف كوب ( زبده صفراء و زيت ذره خليط )

2 كوب سكر

3 كوب دقيق فاخر

4 بيضات كبار

1 كوب عصير برتقال طبيعى طازج مش صناعى

1 باكو بيكنج باودر

بشر 5 برتقالات ( القشره الخارجيه اللى لونها برتقالى فقط قشريها باحتراس )

2/1 نصف كوب زبيب
( ممكن الأستغناء عنه لو مش بتحبيه )

الطريقه :

فى منتهى السهوله

1- ضعى فى الخلاط ( أيوه الخلاط ) عصير البرتقال مع البيض و السكر و( الزبده و زيت الذره ) و تشغلى الخلاط لحد ما السكر يذوب ثم تفتحى الخلاط و تضعى بشر القشر بتاع البرتقال و تضربى تانى خفيف لحد ما القشر يبقى فتافيت .

2- فى اناء غويط تضعى الدقيق بعد ما تنخليه مع البيكنج باودر و ذرة ملح .

3- أضيفى محتويات الخليط الأول اللى فى الخلاط على الدقيق و قلبى لحد ما يتجانس

4- يوضع فى صينيه كبيره شويه .و ضعى الزبيب على الوجه ثم قلبى خفيف حتى لا يسقط تحت و لا يحترق من فوق.

5- يدخل فى فرن 180 درجه مئويه (متوسط الحراره ) لمدة 45 دقيقه تقريبا .

بعد ما طلعت من الفرن بحمد الله

لا تفتحى الفرن قبل مرور نصف ساعه حتى لا تهبط الكيكه.

شوفوا القوام المتماسك ده