طاجن الجمبرى
طاجن الجمبرى اللى هتاكلى صوابعك وراه
بجد طعم و رائحة واااااو
تعالوا شوفوا طريقتى كده وقولوا بسم الله
❦ بصوا يا فتوكات انا كان عندى كيلو جمبرى بس صغير
قلت مش هينفع يتقلى فقلت أعمله طاجن
قمت نظفته وغسلته كويس جداً وحطيته فى المصفى
علشان يصفى ميته خالص
❦ نجيب 3 : 4 قرون فلفل أخضر وحااامى
(حسب الرغبة ) بس بيبقى رائــــع
2 : 3 بصلات مقطعة حلقات
3 جزرات مبشورة و 3 حبات طماطم مكعبات
بس نسيت أصورها مع المقادير
❦ فى الصينية بتاعتى بحط حوالى 4 ملاعق زيت ذرة
❦ وأضيف البصل المقطع حلقات وأقلبه
لحد ما يدبل شوية
❦ وبعدين أضيف حلقات الفلفل الرومى كمان
❦ وبعدين أحط الجزر المبشور على البصل والفلفل
❦ ولما الخُضار يدبل أضيف مكعبات الطماطم
والتوابل اللى أحبها ملح وكمون وبهارات سمك
وفصين توم مدقوق وأقلبهم شوية
❦ وبعدين أضيف الجمبرى بالشكل ده
❦ و أول ما الجمبرى يدخل على سوا
أقلبه فى الطاجن وأغطيه بالفويل وجرررى على الفرن
فى درجة حرارة متوسطة
❦ بيقعد فى الفرن حوالى 1/2 ساعة وبعدين بطلعه
❦ مش قادرة أقول لكم لما طلع
بجد واااو على الرائحة الحلوة بتاعته
❦ كنت عاملة معاه سمك بلطى مقلى
و أرز سمك والليمون أوعوا تنسوا الليمون
ههههههههههههههههههههه
تعليقات