الكفتة المصرية بالدمعة ولا اطعم

الكفتة المصرية بالدمعة ولا اطعم




النهاردة عملت كفتة برز عندنا فى مصر اسمها كده ودى بتتعمل فى الاعياد والمناسبات والافراح بلاكثر
بس انا بحبها تكون سترة فى البيت فى الفريزر علشان وقت ما اكون تعبانة ومش قادرة اطبخ اطلع كيس من الفريزر مع حبة دمعة واعمل جنبهم شوية رز بشعرية والرجالة لما ترجع من الشغل تلاقى اكل








ندخل على


المقادير


2 ك ارز مصرى


1 ك لحمة مفرومة


4 بصلات
1 راس توم
1 جنيه خضرة محشى (شبت وبقدونس وكسيرة)


ملعقة كبيرة نعناع ناشف
2 مرقة دجاج
توابلى الخاصة
( ملح وفلفل وكمون وكسبرة وبودرة توم وبصل وكارى وكركم )


وللدمعة


1 ك طماطم
2 بصلة
2 فص توم
ملعقة من توابلى الخاصة
ملح وفلفل وكسبرة
سمنة طبعا


الطريقة


بنغسل الارز كويس ونضع عليه البصل والتوم والخضرة والتوابل


ثم نوديها عند الجزار يضع عليها اللحمة المفرومة وتبقى بالشكل ده





ثم نصبعها مثل الصوابع بعد دهن اليد بالزيت وتكون بالشكل ده





ثم نقليها فى زيت غزير ثم نضعها فى مصقاة وتكون بالشكل ده






وللدمعة او الصلصة


نضع السمنة فى حلة ونضعها على النار
ثم نضع البصل المبشور ونتركه حتى يتلون ثم نضع فصين توم مدقوقين
ونتركه يتحمر الى اللون الذهبى ثم نضع الطماطم المضروبة فى الخلاط ونتركهم حتى يتسبكوا شوية
ثم نضع الملح والفلفل وشوية كسبرة ناشفة ومكعب مرقة دجاج
ونتركهم يعلوا شوية ثم نضع الكفتة المحمرة فى الدمعة ونسيبها حتى تتشرب من الدمعة وتكون بالشكل ده





وبالف هنا وشفا