الثلاثاء، 1 أبريل، 2014

خبز التوست الابيض على طريقة ريتش بيك

خبز التوست الابيض على طريقة ريتش بيك



توست ريتش بيك homemade




المقادير


1 ك ماء دافئ
1 م/ك خميرة جافة او فورية
1 1/2  م/ك زيت
1/4 م/ك ملح



1/8 ك عسل نحل ويمكن استبداله بالسكر
3 كوب دقيق تقريبا
كيس نيدو صغير



الطريقة

1- نضع فى طبق عميق عسل النحل والماء الدافئ ونقلب حتى يخطلتا جيدا ثم نضع الخميرة ونقلب ثم نغطيها ونتركها فى مكان دافئ من 10-15 دقيقة حتى يظهر فوم او رغاوى و يكون هذا دليل على نجاح الخميرة







2- نضع الزيت ونقلب ثم نضع اول كوب دقيق ونقلب بمعلقة خشبية ثم نضع الملح والنيدو وكوب دقيق ونقلب بالمعلقة جيدا ثم 1/2 كوب دقيق ونقلب اذا التقليب اصبح صعب ممكن نضع العجينة فى الفودبروسيسو او العجانة او ممكن نكمل باليد








3- انا هنا حطتيها فى الفودبروسيسور وباقى كمية الدقيق وشغلتها شوية لحد ما العجينة لمت وكملت عجن باليد نرش دقيق قليل على الطاولة  ونعجن حتى تصبح العجينة ملساء ناعمة لا تلتصق باليد وهنتأكد انها اتعجنت كويس لما نسمع صوت طرقعة او هواء اثناء العجن او نضغط باصبع السبابة  على كورة العجين فنجد مكان الضغطة موجود 




4- ندهن الطبق بالزيت من كل الجوانب ونضع العجينة ونغطيها بكيس بلاستيك او الكلينج فيلم وفوقها فوطة ونضعها فى مكان دافئ زى الفرن او حتى ضلفة المطبخ ونتركها 30 دقيقة حتى تختمر اذا كان الجو برد ممكن تحتاج وقت اطول شوية 


5- بعد ما تضاعف حجمها بالشكل اللى فى الصورة نخرجها من الطبق ونعجهنا عجنة بسيطة جدا يعنى مرتين كدة ثم نشكلها على شكل اسطوانى ونغطيها مرة اخرى ببلاستيك وفوطة 30 دقيقة فى مكان دافئ حتى تختمر ويتضاعف حجمها كما بالصورة








6- تدخل فرن ساخن من قبل على 160 رف اوسط واول ما ندخل الصينية نعمله على 190 حوالى 25 دقيقة

دة شكله اول ما طلع


اول ما يطلع نضعه على شبكة وندهن بفرشاة وجه التوست بزبدة فى درجة حرارة الغرفة وممكن ايضا قشطة اللبن البلدى مجرد دهن بالفرشاة ونغطيها بفوطة ونتركها حتى تبرد تماما فنحصل على سطح طرى زى ريتش بيك بالضبط 



و هيكون دة شكله سطح طرى وناعم زى ريتش بيك بالضبط 





 شكله بعد التقطيع


ودة شكل الكيذر من نفس العجينة





و ممكن الاحتفاظ به فى الفريزر بوضعه فى كيس بلاستيك محكم

وبألف هنا وشفا

ليست هناك تعليقات: