الزيتون الاخضر

الزيتون الاخضر

المقادير

2 كيلو زيتون اخضر تفاحى
1\2 كيلو جزر مبشور
3\4 كيلو ليمون معصور و نشيل القسر عشان حنحتاجه
1\4 كيلو فلفل اخضر حامى
حزمة كرفس مخرطة
راس ثوم مهروسة بالقشر بتاعها مفيش مشكلة
1 كوب زيت طعام و الافضل لو زيت زيتون
ملح و ميه للتخليل حسب الرغبة

الطريقة

الزيتون الاخضر و الزيتون الاسود على اصوله ........من مطبخ ام حبيبة
اولا حنجيب الزيتون التفاحى و ده نوعه بيبقى شكل التفاح كده النوع ده حلو و مش بياخد وقت كتير فى التخليل و بيبقى لونه جميل جدا و صفاره حلو زى الكهرمان
لان فيه نوع اسمه العزيزى بتبقى الزيتونة مطاولة شويه و بتاخد وقت فى التخليل اكتر من التفاحى و بتبقى اغمق بعد التخليل

الزيتون الاخضر و الزيتون الاسود على اصوله ........من مطبخ ام حبيبة

حنغسله و نشقه بالسكينة بالشكل ده

و حننقعه فى ميه من الحنفية لمدة 3 ايام كل يوم نغير الميه مرتين مره الصبح و مره بالليل عشان ننزل منه المرارة
بعد ال3 ايام نغسله كويس و نحط عليه كل المقادير اللى فوق ونقلبهم فيه ما عدا الزيت و عصير الليمون و القشر بتاعه
بعد ما نحط المقادير فى البرطمان نحط عصير الليمون و عليه الميه و الملح و و نحط القشر على الوش و نكبس كويس البرطمان و و الاخر نحط الزيت
الزيتون الاخضر و الزيتون الاسود على اصوله ........من مطبخ ام حبيبة
بعد كده حنحط كيس جوه البرطمان عشان نكبسه كويس
الزيتون الاخضر و الزيتون الاسود على اصوله ........من مطبخ ام حبيبة

و نحط كيس حوالين الغطا عشان نضمن عدم دخول الهواء و نسيبه 25يوم على ما يتخلل

الزيتون الاخضر و الزيتون الاسود على اصوله ........من مطبخ ام حبيبة

حنحط كيس من بره البرطمان زى الصورة كده
لان لما بيقعد يومين تفاعل المكونات بيخلى شوية زيت ينزل من البرطمان فبنحط الكيس عشان الزيت ينزل فيه و مش يبهدل الدنيا

الزيتون الاخضر و الزيتون الاسود على اصوله ........من مطبخ ام حبيبة
هنا ده برطمان تانى و بنعرف ان الزيتون استوى لما نشوفه لونه اصفر كده التفاحى بياخد حوالى 25 يوم و العزيزى بيياخد من شهر لشهر و نص بس مش بيبقى اصفر قوى كده بيبقى اغمق شويه
الزيتون الاخضر و الزيتون الاسود على اصوله ........من مطبخ ام حبيبة
هنا من قريب
الزيتون الاخضر و الزيتون الاسود على اصوله ........من مطبخ ام حبيبة
هنا لما استوى شايفين لونه عامل ازاى ولا طعمه مممممممممممممم مقلكوش تحفة و حامى
الزيتون الاخضر و الزيتون الاسود على اصوله ........من مطبخ ام حبيبة
و دى صورة اقرب للعذاب ههههههههههههه قصدى للتوضيح

تعليقات

المشاركات الشائعة من هذه المدونة

اللحمه البارده او الرستو لعزومات رمضان

صينية الشاورما هتدوبي في طعمها

طريقة عمل لحم مفروم كذاب ( بدون لحم ) بنفس طعم اللحم