الأحد، 30 سبتمبر، 2012

مخلل زيتون اسود تحفه

المقادير

2كيلو زيتون اسود هو بيتباع لونه اسود بيبقى استوى و هو على الشجره
كيس ملح
كوب زيت طعام و الافضل لو زيت زيتون
1\4 كوب خل
حلتين ميه مغليه للتمليح

الطريقة

الزيتون الاخضر و الزيتون الاسود على اصوله ........من مطبخ ام حبيبة

نجيب الزيتون و بيبقى شكله كده ما تقلقيش من اللى لونه احمر او موف كله بيتملح مفيش مشكله
نغسله و ننشفه كويس او نصفيه من الميه

الزيتون الاخضر و الزيتون الاسود على اصوله ........من مطبخ ام حبيبة
حنخرمه بالشوكة من الجنبين

الزيتون الاخضر و الزيتون الاسود على اصوله ........من مطبخ ام حبيبة
نرش عليه الملح حوالى 3\4 الكيس و نسيبه لمدة 5 ايام بالتمام و الكمال
و كل يوم نقلبه مرتين مره الصبح و مره بالليل

الزيتون الاخضر و الزيتون الاسود على اصوله ........من مطبخ ام حبيبة

اليوم السادس حنلاقى الزيتون عمل ميه بالشكل ده
حنصفى الميه دى خالص منه و متقلقيش لو لقيتى الزيتون كرمش حيرجع لشكله الطبيعى تانى

الزيتون الاخضر و الزيتون الاسود على اصوله ........من مطبخ ام حبيبة

حنجيب حلة ميه مغليه و نصبها عليه و نقلب كويس و نصفيها تانى
و ده عشان الميه دى تاخد الملح و المرارة و تنزل
الزيتون الاخضر و الزيتون الاسود على اصوله ........من مطبخ ام حبيبة
بعد ما نصفيها نقلب عليها الحلة التانية من الميه المغليه و المره دى حنسيبها تبرد و الزيتون جواها
بعد ما تبرد خالص حنضيف الملح و الخل و الزيت ( شايفين بعد الميه ما بردت الزيتون راحت منه الكرمشه و رجع لشكله تانى ازاى )

و نحطهم فى برطمان و نقفل عليه يومين اتنين بس
و كلى احلى زيتون و ادعيلى
الزيتون الاخضر و الزيتون الاسود على اصوله ........من مطبخ ام حبيبة

هنا جاهز للاكل

و الله كل اللى داقه ما صدقش انه معمول فى البيت اطعم من بره الف مره و نضيف و مضمون و بدون اى اضافات مضره

‏هناك تعليقان (2):

hanaa farouk يقول...

بعد ما يستوى نشيله من الميه ولا نسيبه فيها؟؟

hanaa farouk يقول...

بعد ما الزيتون يستوي أشيله من المياه ولا أسيبه فيه؟