السبت، 29 سبتمبر، 2012

فطاير بالجبنه الشيدر



نهاردة بقي جايبالكم
فطاير بالجبن الشيدر محشية زيتون طعمها جميييييل جدا جدا وحلوة اوي للفطار
مع الشاي وشوفوا الكيلو برة من الفطاير دي بيتباع بكم عند اي فرن محترم
ومقاديرها مفيش ابسط من كدة

مش هتشوفوا الصور غير في الاخرررررررر ان شاءالله نمشي مع بعض خطوة خطوة....بسم الله

المقادير:

نص كوب دقيق
ربع كيلو جبن شيدر مبشور (انا اضفت 200 جم بس)
معلقة كبيرة زبدة(ممكن نحتاج معلقة كمان او نص حسب الدقيق)
زيتون مخلي ومحشي او زيتون مقطع الموجود يسد بس عامل فرق جامد في الفطاير
معلقة كبيرة مسطردة(مكنش عندي واستغنيت عنها لو حطيناها منحطش ملح)
نص م ص ملح
رشة فلفل اسود


هنجيب الدقيق



نضيف عليه الجبن المبشور



ونضيف
الملح والفلفل والزبدة والمسطردة لو موجودة.... هنضيف الاول معلقة كبيرة
زبدة ونعجن كويس وممكن نعجنها في الكبة او العجانة او لقيناها ملمتش نضيف
ربع معلقة كمان فربع وهكذا بالرااااااحة خالص




كدة
شكلها بعد مالمت معانا وزي ماقلت انا محطتش مسطردة هناخد قطعة صغيرة من
العجين نحشيها بالزيتون ونكورها ونرصها في الصاج لحد مانخلص الكمية كلها







ندهن الصاج او الصينية شوية زيت ونرص الفطاير






وندخلها الفرن علي درجة حرارة 180 لمدة 12:15 دقيقة كل واحدة عارفة فرنها وممكن نولع عليها الشواية دقيقتين في الاخر

ودة
شكلها بعد ماطلعت مالفرن وريحتها جابت اخر الشارع من جمالها بموووووت في
ريحة المخبوزات والكيك وبجد الست الشاطرة بيتها لا يخلوا من الريحة
الحلوووووووووة دي






بجد طعمها جميل جدا جدا وممتازة للفطار الكمية دي طبعا مش كبيرة اوي طلعتلي 12 حبة




الله عليها مع كباية الشاي في الخمسينة ههههههههههه






ودي صورة فوتوغرافية معملية فزة قعدت ساعتين احمض فيها عشان تطلع كدة هههههههههههه




يارب أكون أفدتكم النهاردة بحاجة جديدة تنفع للمدارس سهلة في عمايلها وخبزها ومقاديرها وطعمها مميز
والي بيحب الجبن الشيدر هيلاقي في موضوعاتي بسكوت مقرمش بالجبن الشيدر

ليست هناك تعليقات: