الأحد، 30 سبتمبر، 2012

فرخه محشيه ومشويه

فرخه متوسطه الحجم لحد 2 كيلو
علبه زبادى
2 طماطم مبشوره
لمونه
نص مج ميه بصل
وملح وفلفل ورشه زنجبيل ورشه زعتر لو مفيش خليكى بالملح والفلفل
بس بعد كده هاتى التوابل دى لانها مهمه وبتعلى مذاق الاكل جددددددددددددددددددددددددددى
ندخل على الصوووور والطريقه
بنضف الفرخه كويس وندعكها بملح ولمون
* نحضر الخلطه
نبشر بصله كبيره وناخد ميتها
ومترميش البصله حنستخدمها فى الحشوه
ونحط المكونات كلها الزبادى والطماطم
وكل البهارات

ونجيب الفرخه ونخرمها خرام بسيطه عشان تشرب الخلطه من جوه من عند الصدر والدبوس كمان
ونحشيها بكل المقدار من تحت الجلد وندعك كويس اوى ونحطها فى اصغر حاجه عندك
عشان تضمنى انها حتشرب التتبيله
وانا بعمل كده قبلها بيوم والنتيجه بتكون احسن
وممكن تعمليها فى يومها وتسيبيها 3 ساعات مثلا

ولازم تقلبيها على وشها عشان الصدر اكتر مكان بياخد سوى


وهنا انا فضيت التتبيله منها ومترميهاش حنستخدمها

نبدا نحضر الحشوه
نحط البصله فى شويه زيت افضل من السمن عشان الرز يكون مفرفر مش معجن

واول ما تصفر تحطى الكبد اللى قطعتيها وتقلبى عشان متلزقش ولما تحسى ان لون الكبده اتغير
ضيفى الرز والفرخه بتاخد حوالى 3 فنجان قهوه رز

وهنا نضيف الرز ومعاه كوبايه ميا
وبهارات ملح وفلفل وقلبى كوييييس
ولما تشرب الميا اطفى وسيبيها تبرد عشان ايدك


وطبعا الرز حيكون لسه مستواش
حيكمل السوى فى الفرن
ونجيب الفرخه ونحشى بين الجلد وجوه الفرخه
والحته الى بين الصدر والورك
بس اهم حاجه متكبسيهاش خليها مرحرحه حلوه عشا متعجنش

وبعد لما تتحشى تقفليها بسلاكه الاسنان

بس لازم تقفليها كويس اوى متسيبيش اى هوى فيها والرز يستوى كويس
ونجيب صينيه وقطعى بطاطس حلقات تحت الفرخه

ونحط عليها شويه صوص من اللى كانت الفراخ متبله فيه
ونسيب حبه للفرخه نرشهم على وشها


ومعاها 2 كوبايه ميا وحته سمنه فلاحى او ممكن من غير براحتك
وسيبيها فى الفرن على درجه 250 تستوى براحتها وتتشوى وتكون هااااايله الريحه قلبت الدنيا




اهم شئ الرز تشوفى الرز طالما استوى يبقى الفراخ تمام استوت

ليست هناك تعليقات: