الجمعة، 5 أكتوبر، 2012

صدور فراخ محشيه

فراخ محشيه




المقادير


4 صدور فراخ مخليه ( عملت نصف المقدار )

كوب بقدونس مفروم

بصله متوسطه مفرومه

2 فص ثوم مفرى

بواقى قطع من الفراخ مفرومه

بقسماط مطحون

ملح و فلفل و جنزبيل

3 ملاعق زيت


الطريقه



نسيت اصور بواقى الفراخ فى المقادير فصورتها بجوار الفراخ


نشق صدر الفرخه نصفين بالعرض على الا نصل للنهايه ( يظل مشبوك فى بعضه ) و ندقدقه بالشاكوش المخصص لذلك


نخلط باقى المقادير معدا الزيت مع بعض باستخدام الكبه و نضبط الملح و البهار

نفرد الحشو على الصدر كله و نلفه مثل السيوسرول


نلفه جيدا و نقفله بعود الاسنان ( الخله ) او نلفه بالخيط


نشوح الفراخ فى الزيت حتى تتحمر من جميع الجهات



ثم نضيف الاتى

مقادير الصوص

بصله كبيره حلقات
جزره كبيره حلقات
فص ثوم
ملح و فلفل
ملعقه زبده
ملعقه دقيق


نشوح البصل و الجزر و الثوم مع الفراخ و نضع قليل من الملح و الفلفل


نضع عليهم ماء و نغطى الوعاء و يترك حتى تنضج الفراخ من ثلث الى نصف ساعه


ننشل الفراخ من الصوص و نتركها جانبا حتى تبرد و نزيل الاعواد او الخيط

نصفى الصوص و الخضار بالمصفاه او يخلط بالخلاط


نعجن ملعقه دقيق مع ملعقه من الزبد و نضعها على الصوص على النار و نقلب جيدا حتى يغلظ اى يصبح سميك

تقطع الفراخ شرائح بالورب اى بالميل


نضع الارز فى قالب و نقلبه فى وسط الطبق و نضع حوله الفراخ


نصب الصوص على الارز و الفراخ


طبق سهل و سريع و طعمه لذيذ و شكله جميل

ليست هناك تعليقات: