الخميس، 11 أكتوبر 2012

الكبسه السعودي

 


المقادير
فرخه متنظفه كويس انا عن نفسى بشيل الجلد كمان ومقطعاها اربعه
توابل الكبسه المطحونه فلفل اسود قرفه وكمون بسيط وملح وحبهان مطحون
توابل الكبسه الصحيحه قرفه وفلفل اسود حب وحبهان وقرنفل
بصله شرايح رفيعه
وطمطمايه مقطعه صغنن
ومعلقه صلصه طماطم
وليمو (الليمون الاسود من العطار)عن نفسى بجيب ليمونه عاديه وبقطعها شرايح
وطبعا ارز بسمتى وانا بفضل ارز ابو سيوف مره معروف



الطريقه

اضع زيت فى حله انا عن نفسى باستخدم الحله الضغط بس تنفع العاديه
واصفر البصله وطبعا بكون متبله الفراخ بتوابل الكبسه المطحونه وملح
خلاص صفرنا البصله بعد كده اضع الفراخ واقلب الى ان مايبقاش فيه ماء
اضع التوابل الصحيحه وممكن كمان اضعها مع البصله
اضع الطماطم وصلصه الطماطم واقلب الى ان تدبل الطماطم ثم اضيف ماء
اغطيها واتركها حوالى 10 دقائق او اقل لو فى الغط لو فى العادى 20 دقيقه
اغسل الرز انا موش بانقعه واضعه بعد ماتعدى المده الى قلت عليها اظبط ميته وملحهممكن تزودى فلفله خضرا مقطعه او صحيحه
واتركه الى ان يستوى وخلاص بالهنى والشفا



التقديم

دى بقى اهم خطوه عندى انت بتحطيها فى طبق كبييير وتزوقيها ببيض مسلوق مقطع شرائح
ولازم حتما ولا بد تعملى سلطه خضراء جميله كده
اهم حاجه بقى الشطه الى هيه الازازه دى الى رفيعه طبعا بتخدى فى طبقك على معلقه سلطه على شويه شطه وادعيلى

ليست هناك تعليقات: