دجاج تندوري مشوي على الصاج..جنااان..طري..سبايسي..
اهم خطوة في الدجاج هي تنقيعه يوم كامل في الثلاجه
مقادير التنقيع...روب...ملعقه كبيره زنجبيل مفروم...ملعقه كبيرة ثوم مطحون..
فلفل اسود..ملح..بابريكا حار...فلفل مجروش..كزبرة بودر..بهار تندوري الاحمر
خلطي المقادير وضيفي نص كوب كاتشاب
حطي قطع الدجاج ويفضل الدجاج بوكيلو مو الحجم الكبير
وسوي فيه شقوق وبالجلد ..ذي الوصفه الجلد ضروري
خليها ليلة كامله في الثلاجه
قبل ماتشويها طلعيها بساعه من الثلاجه
وسخني مقلاتك الصاج وانا اللي عندي تجي مخططه من ماركة تيفال
حطي الدجاج ولاتخافين وتقولين مابينضج
اول ماتبدى خطوط الشواء تعلم على الدجاج قلبيه
تقريبا كل 5 دقايق قلبيه ..والنار لازم تكون هاديه مو عاليه..
وتقدرين تغطين الدجاج بورق قصدير وهو على النار لو كنت مستعجله
مع التقليب المستمر للدجاج
شلون تعرفين ان الدجاج نضج
اغرسي بسكين الدجاج لما يطلع ماي احمر يعني للحين ماكمل سوا
لما يطلع ماء شفاف ابيض يعني خلاص
صدقوني طري اخر طراوة
مع الخبز او الرز رووووووعه
تعليقات