طريقة حفظ الخضرة لاطول فترة ممكنة

انا جربت الطريقة دى فى البقدونس والشبت ونجحوا جدا معايا ومازلت مخزنة منهم عندى فى البيت
المهم
بصى ياستى انتى تجيبى ربطة الخضرةوتكون طازةوورقها حلو مش دبلان ولا مصفر وتغسليها وتنشفيها من المية

وتخرطيها ناعم بالسكينة عادى

وتحطيها فى طبق واسع او اى حاجة عندك وتفرديها عليها
وتسيبيها تقريبا من 4 الى 5 ايام جمبك فى المطبخ وكل يوم تقلبيها تقليبة
وتسيبيها فى المطبخ لحد ما هتلاقيها نشفت زى الملوخية او النعناع

اوعى اوعى تحطيها فى الشمس لان الشمس هتصفر الورق
سيبيها تنشف طبيعى فى الجو العادى ويوم ورايوم قلبى تقليبة
وهتلاقيها نشفت وتقدرى بعدها تفركيها بأيدك وهتبقى ناعمة جدا

اهى بانت انها بدأت تدبل شوية
ولو ظهر فيها اوراق صفرة تقدرى تشيليها بتكون حجات بسيطة
مش كتير


اهى هنا نشفت خااااااااااالص

بعد كدة حطيتها فى علبة وقفلت علية
ووقت ما بحتاج باخد منة واستعملة
الاحلى بقى فى الموضوع انك بمجرد ما تحطية فى الاكل
تلاقية رجع اخضر ولونة جميل جدا تقولى طازة

الطريقة دى تنفع مع كل انواع الخضرة
الشبت البقدونس الكسبرة

وطبعا هيستفيد منة اكتر اللى كانوا بيرموا كمية كبيرة من الخضرة
زيى كدة ههههههههه
انا احتفظت بيها متغطية فى علبة
وعملاها بقالها تقريبا 20 يوم
وممكن نحتفظ بيها فى التلاجة بالعلبة
المهم مش يطولها مية