دورة المحاشي والاكلات المصرية درس 1 محشي الكرنب
بسم الله الرحمن الرحيم
اول حاجة في المحشي الخلطة: بصلة متوسطه مبشورة-نص كيلو طماطم - ملعقتين اواكتر صلصة -شبت وبقدونس وممكن كسبرة خضرا -2كوب رز-نعناع ناشف اقلب البصل في الزيت لحد لما تصفر فقط واضيف الطماطم المعصورة ولما تتصلص يعني تطخن اطفي واضيف الرز والشبت والبقدونس والنعناع     وبكده الخلطة جاهزة لاغلب انواع المحشي  محشي الكرنب (الملفوف ) اقطع الكرنبة ببوز السكينة دائري واسلك الورق واغلي مية وابدا اسقط الورقات كل حوالي 3 او 4 ورقات ولما تطري اطلع علي مصفا   بعد لما تبرد الورقات اتنيها واقطع العرق الطخين اللي في النص
اقطع الورق شرايح طويلة وبعد كدة بالعرض علشان تبقي مربعية
ابدا احشي اخد كل مربع احط الحشوة علي الحرف واسيب جزء في الاجناب فاضي وابدا الف واراعي مايكونش اللف مرتخي علشان ماتفكش اثناء السوا    افرش في قاع الحلة الورق الاخضر الخارجي للكرنبة ويكون مسلوق او اي ورقات متقطعة وماتصلح للحشو ابدا ارص عليها وحدات المحشي  اسقي الحلة بالمرقة لحد لما تغطي المحشي ولما تغلي اوطي النار واغطي الحلة لحد لما تستوي بعد حوالي نص ساعة او لماالاقي المحشي استوي اني انتشل واحدة وادوس عليه واعرف استوت وللا لا  لاتغرف بعد نزولها من علي النار مباشرة يعني لازم استني تهدا شوية علشان يكون تماسك وبالف هنا |
||||||||||||||||||||||
|
تعليقات