الفطيرة الحلوة احلي من بتاعة الفطاطري وتحدي

بسم الله الرحمن الرحيم
اللهم لك الحمد كما ينبغي لجلال وجهك وعظيم سلطانك السلام عليكم ورحمة الله وبركاته
الفطيرة الحلوة:

كوب ونص دقيق -ملعقة كبيرة سكر -نص ملعقة صغيرة ملح -2ملعقة زيت-سمن للفرد-2صينية 30 -كستر او مهلبية-تلتين كوب حليب
نعجن كل المقادير مع بعض ونسيب العجينة تستريح نص ساعة وبعدين اقسمها كورتين التلت والتلتين يعني واحدة اكبر من التانية


ادهن الرخامة سمن وافرد الكرة الكبيرة بالتبطيط باليد لحد لما تبقي اكبر من الصينية

اقلب صينية من الصينيتين واشيل الفطيرة المفرودة بيديني الاتنين مفرودين واحطها علي الصينية المقلوبة

ارش سمن علي الرخامة وافرد الكرة الصغيرة بحيث تكون مقاس الصينية وانقلها فوق الفطيرة الاولي
احط الكستر او المهلبية وافرشها عليها والصور توضح الفكرة




الم اطراف الكرة الكبيرة اللي بقت من تحت المها علي الكستر واغطيه تمام واجيب الصينية التانيةاشقلبها فوق الفطيرة واحط يدي من تحت اقلبها فيها (للاسف ماصورت الجزء ده ) بس اتمني الفكرة توصل لان الغرض من كدة ان التطبيق والكرمش يكونوا من تحت

 

وهنا بعد لما شقلبناها اسيبها تستريح ربع ساعة واسخن الفرن علي حرارة عالية نار فوق وتحت لمدة 10 دقايق وبعدين ادخل الصينية وبلاش نبعد عنها علشان الحرارة عالية ومش حتاخد وقت اول لما تستوي وتاخد اللون العسلي واخرجها من الفرن واسقيها بالحليب من كل الجهات واسيبها تبرد 5 دقايق وبعدين ارشها بالسكر البودرة وممكن بعد السكر اضيف مكسرات وزبيب الاختيار ليكم حسب الذوق اسيبكم مع الصور هنا بالسكر وهنا بعد السكر حطيت المكسرات وهنا المهلبية واضحة من جوة وبالف هنا وشفا الطعم يستاهل التعب