الخميس، 27 مارس، 2014

السينابون الملكي حاجة تدوووووخ

السينابون


العجيينة:
العجينة نفس عجينة الدونات اعجنها واسيبها تخمر نص ساعة مش اكتر علشان حتتخمر تاني



افردها علي سطح مرشوش علي شكل مستطيل قدر الامكان وبتخانة حوالي نص سم وادهنها بالفرشه سمن



ارش سكر بني حوالي كوب ومعاه ملعقة كبيرة قرفة وممكن لو مافيش سكر بني احط ابيض


اتني الاحرف وابرم العجينة واظبط نهاية البرم من تحت واقطع ترنشات كل 3 سم




بعد التقطيع اضبط نهاية الحرف تحتها علشان اثناء السوا السكر بينزل ويتحرق


نرص علي مسافات في صينية الفرن ونسيبه يخمر للمرة التانية لحد لما نحس بالفرق في الحجم زي الصور





بعد لما تخمر اسخن الفرن علي نار عالية وادخلها لحد لما تاخد لون (مش بتاخد نار كتير)
بعد لما تخرج من الفرن استني لما تبرد واعمل الصوص
اضرب بالمضرب 2 كوب سكر بودرة ومعاه حوالي نص فنجان حليب بنحط بالتدريج لحد لما احصل علي عجينة سايلة غليظة زي قوام الطحينة واجيب صينيةواحط عليها شبكة وعليها وحدات السينابون واحط عليهم الصوص 


وممكن احط صوص الكراميل وعليه مكسرات واسيب الصوص ينزل من الجناب


وبالف هنا وشفا

ليست هناك تعليقات: