الكيك الاسفنجي الهش و تورتة البلاك فوريست


الكيك الاسفنجي

المقادير : 6بيض-كوب سكر -كوب وربع دقيق -ملعقة صغيرة بكنج بودر
اضرب البيض مع السكر حوالي 10 دقايق لحد لما يعلي القوام وياخد شكل المنقار


احط الدقيق والبكنج بودر باليد تدريجي واقلب بملعقة بلاستيك او مضرب يدوي مش بمضرب الكهربا واللا الهوا حيخرج وتهبط
في نفس الوقت اكون مسخنة الفرن علي حرارة 180 درجة يعني هادية
اجيب صينية مفروشة بورق زبدة واصب الخليط واساويه بالملعقة البلاستيك وادخل الفرن ومافتحش خالص واتابع من الزجاج حوالي نص ساعة وممكن يزيده شوية









 
تورتة البلاك فوريست
حنعمل الكيك الاسفنجي بس حنستبدل 2ملعقة دقيق ب2ملعقة كاكاو ونمشي بنفس الخطوات وبعد لما تبرد اقلبها علي وشها واقطعها 3 طبقات
ادهن اول طبقة بالكريمة المخفوقة او كريم شانتيه واحط بعشوائية اي كومبوت فوق الكريمة واحط الطبقة التانية وعليها كريمة وكومبوت واحط الطبقة التالتة


ااساوي الاحرف بالسكين باني اقطع الحرف من جميع الجهات

اغطي التورتة بالكريمة من جميع الجهات

وعلي الوش يالتساوي وابشر شيكولاتة خام بمبشرة الشيبسي
وارش الشيكولاتة المبشورة علي الوش والاجناب ارش باليد اليمني واحوط باليسري علشان اللي يقع من الشيكولاتة ينزل في يدي واضغطه علي التورتة
بعد لما ارش الشيكولاتة اعمل بالقمع وردات متفرقة واحط عليها كريز

ودي النتيجة النهائية اسهل تورتة علشان تفتكروني في المناسبات الحلوة



وبالف هنا وعافية

تعليقات

المشاركات الشائعة من هذه المدونة

اللحمه البارده او الرستو لعزومات رمضان

صينية الشاورما هتدوبي في طعمها

طريقة عمل لحم مفروم كذاب ( بدون لحم ) بنفس طعم اللحم