الرز المعمر الحلو



المقادير والطريقه
دى طرقتى الخاصه وبصراحه جميله وناجحه

2كوب ارز

5معالق سكر وده حسب الرغبه
2 لتر لبن
3 معالق قشطه لو زبده
مكسرات وجوز هند
معلقه نشا
الطريقه

""""""""""""""

الارز يكون مغسول ومتصفى ونحطه فى الربام او الصنيه ونضيف نص كميه اللبن ونكون محلينه الاول

ونسبه على النار لحد ما يغلى ونكون متابعينه ونهدى النار عليه ونسبه شويه

وكل شويه نلاحظه ونزوده لبن لحد مافى الاخر ولما يكمل سواه هنلاقيه مش بيشرب لبن بس نحط مقدار اللبن كامل

نحط المكسرات وجوز الهند ولو تحبى ترشيها بس على الوش عادى وندوب معلقه النشا فى شويه مايه ونضفها ونقلب ونطفى النار

ونحط الزبده او القشطه على الوش هتلاقيها ساحت على الوش وندخله على الشوايه علشان يتحمر
وممكن تنكى الرز بالفانيليا او مايه الورد وده حسب الرغبه
وبعد ما يتحمر الوش هتلاقى عندك احلى برام رز معمر وبالف هناااااااااااااااااا
بالنسبه للاخطاء الشائعه

اول حاجه بالنسبه لمقدار اللبن لو قل اكيد الرز هيشيط يعنى يسود من تحت وطعمه هيبقى وحش
يعنى لازم يكون مقدار اللبن وافى وكافى للرز
تانى حاجه ان اللبن يفور يعنى تكون النار عاليه واللبن يغلى جامد وينزل من البرام وده طبعا بيبقى وحش فى التسويه
يعنى لازم نكون ملاحظينه ومهدين النار عليه

تعليقات

المشاركات الشائعة من هذه المدونة

اللحمه البارده او الرستو لعزومات رمضان

صينية الشاورما هتدوبي في طعمها

طريقة عمل لحم مفروم كذاب ( بدون لحم ) بنفس طعم اللحم