كعب الغزال

كعب الغزال :
المقادير :
3كوب دقيق -نص كوب زيت-ملعقة كبيرة ونص لبن بودرة-ملعقة كبيرة ونص سكر -ملعقة خميرة -بيضة لدهان الوجه-ا -مية للعجين بالتقريب حوالي كوب -نص ملعقة صغيرة ملح سمسم -عجوة او التمر الطري (في حالة لو التمر ناشف )اقلبه في سمن علي النار واضيف له شوية لبن صغيرين واقلبه ولما يبرد افرمه
بعد لما اعجن العجينة اسيبها نص ساعة ترتاح وبعدين اقطعها قطع في حجم اليوسف او حسب الرخامة عندك لو صغيرة اصغر
ابرم القطعة علي الرخامة زي الصورة تخانة حوالي 3 او4 سم

 









ابرم العجوة او التمر احطه في الوسط واقفل الطرفين باصبعين كويس واقلبها بحيث يكون الالتحام من تحت واقطع بالسكين اطوال قريبة من طول العرض علشان تكون مربعة







انقلها في صينية فرن بس اسيب مسافات بين الوحدات علشان لما تخمر ماتلزقش في بعض وادهن الوجه ببيض خفيف وارش عليه سمسم





اسيبها تخمر حوالي ساعة او اقل حسب الجو واسخن الفرن علي نار فوق المتوسطة حوالي 10 دقائق وادخله لحد لما يستوي ويبقي باللو ن لدهبي
وهنا بعد لما خرجت من الفرن



احيانا بقسم العجينة واخد نصها اعمله الترس ودي حبيبة الاطفال قوي
اعمل شرايط زي كعب الغزال بس بطول حوالي 15سم
واقفل علي التمر بس الحم البداية والنهاية زي الصورة





انقلها في صينية الفرن علي ابعاد بينهم وادهنها بالبيض 
 بعد لما ادهنها بالبيض اعمل شقوق بعد كل 2 سم بسين رفيعة






شوفوا اعطت شكل الترس ازاي
اسيبها لما تخمر ساعة واسخن الفرن علي حرارة فوق المتوسطة زي كعب الغزال يعني حرارة عالية شوية بس مش اعلي حاجة واحط علي شبكة الفرن في الحالتين
وهنا بعد خروجها من الفرن




ومع الشاي بالف صحة وعافية




احيانابضاعف كمية العجين واقسمها نص بوريك ونص كعب الغزال

تعليقات

المشاركات الشائعة من هذه المدونة

اللحمه البارده او الرستو لعزومات رمضان

صينية الشاورما هتدوبي في طعمها

طريقة عمل لحم مفروم كذاب ( بدون لحم ) بنفس طعم اللحم