دورة المحاشي والاكلات المصرية الكشري

الكشري

نص كيلو مكرونة -2كوب رز مصري -كوب ونص عدس -كمية صغيرة من الشعرية -نوم مفروم


1-اسلق المكرونة واصفيها كويس واجيب حلة فيها حوالي 2ملعقة زيت وملح وفلفل واسخنهم واضيف لهم المكرونة واقلبها كويس واطفي عليها واتركها علي الجنب
2-اغسل العدس واسلقه لحد لما يطري بس ماينهري واصفيه وفتح عليه المية وهو في المصفاه
3-احمر بصله متوسطة لدرجة الاصفرار واضيف لها الشعرية واقلبهم ولما الشعرية تبقي دهبية اضيف الرز المغسول والملح و3 ونص كوب مية واول لما تغلي اوطي النار لحين السوا بس في منتصف الوقت افتح اقلبه واشوف ان احتاج مية اذود بس بكمية قليلةعلشان مايعجنش
4- اعمل الصلصة :احمر توم مفروم واضيف عليه حوالي 5حبات طماطم معصورين او اكتر حسب الكمية ولما تتسبك وتطخن اذودها مية بس مااخففهاش قوي واذود ملعقتين صلصة

5- اعمل التقلية اقشر 2بصلة متوسطة واقطعها بمبشرة الشيبسي واقليها ولوعايزينها مقرمشة نقلب البصل قبل القلي بملعقة دقيق

بعد الرز مايستوي اضيف له العدس اللي سويناه واقلبهم

نغرف الكشري ونحط علي الوش المكرونة ثم الصلصة ثم التقلية وممكن حمص مسلوق

وده الشكل النهائي

وبالف هنا وشفا