دورة المحاشي والاكلات المصرية درس7 الممبار


الممبار
الخلطة : ابشر بصلة واضيف عليها طماطم مبشورةوفصين ثوم مفرومين والشبت والبقدونس والرز المغسول وملح وفلفل وبهارات مشكلة ونعناع جاف وشوية زيت صغيرين علشان تساعد في دخول الحشوة بسهولة
يعني هي نفس حشوة المحاشي بس نية وذيادة الثوم والبهارات








حنجيب الممبار ونجيب قمع فتحته تكفي المصران ونقطع الممبار اطوال 30سم مثلا ونعشقه في القمع ونبدا ندخل الحشوة كمية صغيرة ونضغط باصبعنا للداخل وكل لما ندخل جزء نشد المصران لتحت يعني نفكه من القمع



ولو الحشوة اتزنقت ادخلها عن طريق الضغط بعصا او يد ملعقة خشب



اقطع بالاطوال اللي عايزاها واضغط في النص بالطول علشان اضمن انه مش مليان لاخره ومش مضغوط ولازم اسيب الاطرف فاضية علشان الرز مايخرجش



وهنا بعد لما اتحشت ومش مليانة لاخرها



وهنا ده مصران ضاني يعني مصران غنم بنفس الطريقة بس القمع اضيق وضغطت الرز بايد مضرب البيض وده بيبقي حشوه صعب بس الطعم احلي يعني لو اول مرة نحشي ممبار بلاش الضاني الاول نخليه بعدين لما نتمكن فيه



نغلي مية ونبدا نسقط الممبار اللي اتحشي ونضيف شوية ملح صغيرين في المية ونسيبه لحد لما يستوي واعرف انه استوي لما اطلع واحدة واضغط بايدي اشوفها طريه وللا لا وانشله في مصفا واقليه في الزيت








وبالف هنا وشفا وده الممبار الضاني


تعليقات

إرسال تعليق

المشاركات الشائعة من هذه المدونة

اللحمه البارده او الرستو لعزومات رمضان

صورة
عرق التربيانكو هو عباره عن عمود من اللحم زى اللى فى الصوره كده ولحمته بتبقى اشد من لحم الفلتو لان لحم الفلتو طرى جدا جدا جدا تقريبا اطرى قطعه فى العجل كله المقادير عرق وزن كيلو ونص تقريباً بصل مقطع جزر مقطع بالطول وجزره مقطعه قطع كبيره توابل ملح وفلفل وجوزه الطيب وقرفه وحبهان ومستكه فلفل اسمر حب قطعه زبده ومعلقه زيت ذره خيط عادى او دوباره الطريقه التربيانكو بنجيبه من الجزار احيانا الجزار بيحشيه ويربطه بالدوباره وبيقى جاهز للطهى لكن انا هنا جبته زى ماهو علشان تشوفوه بننضف على قد ما نقدر طبقه الدهون اللى بتبقى حواليه ونغسله كويس وبأى اله حاده رفيعه وممكن المقوار اللى بنحفر بيه الكوسه ندخله كده فى العرق ونلفه كأننا بنقور الكوسه علشان نوسع مكان للحشو نقطع جزر شرايح بالطول وندخل الجزر فى الفتحه اللى عملناها ولو المقوار او الاله الحاده قصيره نعمل نفس الخطوه اللى فاتت الناحيه التانيه برده من قطعه اللحمه بحيث نقدر ندخل الجزر من الناحيتين ونعمل شقوق بالسكين بالشكل ده فى قطعه التربيانكو الشقوق اللى عملناها دى لكم مطلق الحريه فى ناس بتحب تحشيها توم صحيح ا
قراءة المزيد

طريقة عمل لحم مفروم كذاب ( بدون لحم ) بنفس طعم اللحم

صورة
ياااااه تعبت أوى فى العنوان الطويل ده  ;)  الفكره كنت قرأتها على النت وبصرحه قلت ناس over اوى . ولأن التجربه خير دليل قولت أجربها . وبصراحه أنبهرت وأتصدمت وذُهلت وحاجات كتير كده حصلتلى ... مش ممكن دى نفس طعم اللحمه .. طب جايز لو الولاد داقوها يحسوا بفرق الطعم . * " يا شبااااااااااااااااب " بنادى على أولادى  * " تعالوا دوقوا كده "  * " طعمها مظبوط يا ماما "  ضحكه شريره نيهاااااا .... الأول   * " تحفه يا ماما .. هتعمليهالنا سندوتشات دلوقتى " نيهاهاهاهاهاهاها ضحكه أكثر شراً .. الثانى  * " أنا عايسها بالكاتسب " هاهاهاهاها حتى أنت يا بروتس دخلت عليك ... الثالث  وكان فعلا العشا هو السندوتشات اللى فوق دى . الحكايه كلها فى شوية كبد وقوانص الفراخ .. نفرمهم فى الكبه .. الكبه مش المفرمه لأن العروق اللى فى القوانص مش هتتفرم فى المفرمه وهتوقفها . ونعصجها عادى زى اللحم المفروم العادى .  تعصيج اللحم  بصله مقطعه مكعبات صغيره نشوحها فى ماده دهنيه ( سمن أو زيت ) لحد ما تبقى طريه ..ممكن نضيف لها ثوم .
قراءة المزيد

صينية الشاورما هتدوبي في طعمها

صورة
صينية الشاورما نضع كمية من الزيت في القدر ونضع بصل مقطع شرائح مع رشة ملح .. حتى يذبل البصل ويطلع كل ماؤه .. عندما يذبل البصل نضيف ربع ملعقة ثوم مفروم .. ثم نضيف الدجاج المقطع شرائح ( أوراك وصدور ) .. عندما يتغير لونه ويكون نص استواء .. نضيف ملعقة صغيرة بهارات شاورما .. ومثلها فلفل أسود ومثلها زنجبيل .. ويترك المزيج حتى ينضج تماماً .. ونحط فحمة مشتعلة في زيت ويغطى لتعطي نكهة الشواء .. نحضر صوص التغطية .. مايونيز بنكهة الثوم وجبن سائل وطحينة وعصرة ليمون .. نضع في صينية الفرن أصابع بطاطا مقلية .. ثم الشاورما .. ثم الصوص وتوضع في الفرن حتى يتحمر الوجه .. وتزين حسب الرغبة وتقدم .. أو يعمل ساندوش ..
قراءة المزيد