الخميس، 27 مارس، 2014

البيتزا اللذيذة احلي من بيتزا هت

بسم الله الرحمن الرحيم
صباح الخير عليكم ياغاليات

البيتزا:



العجينة :للصينية المتوسطة:كوب كبير ونص دقيق-2ملعقة كبيرة زبادي -ملعقه صغيرة سكر-نص ملعقة كبيرة خميرة-فنجان القهوة زيت -ماء للعجن -ملعقة صغيرة ملح
احط الدقيق وعليه السكر والخميرة والزبادي والزيت واقلبهم ثم الملح واعجن بالمية تدريجي لحد لما احصل علي عجينة طريةومش بتلزق في اليد والمية بالتقريب حوالي كوب اللا ربع بس نحطها تدريجي لان الدقيق بيختلف في امتصاصه للمية
الم العجينة واغطيها واسيبها حوالي نص ساعة تستريح



وهنا بعد نص الساعة



ارش سطح نضيف بقليل من الدقيق وافرد العجينة بالتقريب مقاس الصينية اللي حعمل فيها البيتزا وانقلها بالنشابة للصينية واظبطها مع الصينية






ابدا اعمل الصلصه :اصفر بصلة صغيرة مبشورةفي شوية زيت صغيريين ثم اضيف له ملعقة توم مفروم واقلبهم بس ماسيبوش يحمر ثم اضيف حوالي نص كوب عصير طماطم ولما تطخن قوامها اضيف الملح وملعقة صغيرة ريحان وضروري اسيبها تبرد لانها لو حطيناها علي البيتزا سخنة حتخرب الخميرة






بعد لما تبرد افرشها علي العجينة المفرودة بظهر الملعقة



احضر الحشوة اللي اختارها اما تونة مصفي ميتها او دجاج مستوي ومخلي ومقطع او نقانق
واحضر الخضروات المقطعة والجبنة الموتزاريللا



اغطي الصلصة بالجبنة الموتزاريللا ثم طنف الحشوة ثم الخضار ولو عايزاها مارجريتا (بيتزا الجبنة )ماحطش غير الجبنة فوق الصلصة وبس وممكن نزود مع الموتزاريللا جبنة شرايح
ودي بالدجاج




وهنا المارجريتا



وهنا بالتونة وماحطيتش عليها خضار



وهنا بالدجاج بعد خروجها من الفرن





وهنا المارجريتا



لو عايزة اعمل اكتر من صينية اضاعف الكمية وانا هنا عملت في اطباق فويل علشان اوريكم كل الحشوات وفرزنت منها قبل السوا ولما نعوز نعملها نطلعها من الفريزر نسيبها تفك علي مانسخن الفرن ونسويها
وبالف صحة وعافية


ليلى محمد64 غير متواجد حالياً

ليست هناك تعليقات: