دورة المحاشي و الاكلات المصرية شوربة العدس وفتة العدس
شوربة العدس
نص كيلو عدس اصفر -حبة طماطم -حبة بصله -حبة جزرة -ثوم 4او5 فصوص
انقع العدس نص ساعة واغير المية اكتر من مرة لحد لما الاقيها شفافة اعرف
انه نضف احطه في حله واضيف الخضار المقطع وميه اعلي من مستوي المكونات في
الحلة واحطه علي النار لحين لما كل الاضافات تستوي
بعد السوا اضربه في الخلاط لحد لما ينعم تماما واصفيه
انقله في حلة تانية نظيفة واضيف الملح واذود الميه لحد لما قوامه يبقي زي قوام الطحينة
اجيب طاسه واحمر بصله مقطعة في ملعقة سمن واضيفها علي وش المرقة بعد الغليان ودي خطوة ممكن الغاءها حسب المزاج
تقدم مع ليمون وده اختياري حسب الذوق وبالف هنا وشفا شوربة مهمة جدا في فصل الشتاء لانها بتدفي الجسم وبتعطي طاقة
فتة العدس
دي تكملة لشوربة العدس لوكانت عجبتكم
نقطع خبز مربعات صغيرة واما نحمصه او نقليه في الزيت
نحضر شوربة العدس بطريقنا العادية وناخد جزء نخففه شويه ونحط الخبز المقلي في بوله كبيرة ونصب الشوربة الساخنة عليها و نقلبها ونغطيها علشان الخبز يشربه وبعد 10 دقايق اشوفها لو لسة ناشفة اذود شوربة تاني
في ائناء لما بيتشرب اعمل الصلصة احمر توم واضيف عليه عصير طماطم ولما تتسبك اذودها مية بعد الملح والفلفل طبعا
اسيب الخبز في البولة كانها الحلة واغرف منها في الاطباق واضيف الصلصة واحيانا الدقة ودي عبارة عن توم مفروم احمره ولما يحمر اطفي النار واضيف له ملعقة خل وتتحط اخر حاجة علي وش الفته
دي تكملة لشوربة العدس لوكانت عجبتكم
نقطع خبز مربعات صغيرة واما نحمصه او نقليه في الزيت
نحضر شوربة العدس بطريقنا العادية وناخد جزء نخففه شويه ونحط الخبز المقلي في بوله كبيرة ونصب الشوربة الساخنة عليها و نقلبها ونغطيها علشان الخبز يشربه وبعد 10 دقايق اشوفها لو لسة ناشفة اذود شوربة تاني
في ائناء لما بيتشرب اعمل الصلصة احمر توم واضيف عليه عصير طماطم ولما تتسبك اذودها مية بعد الملح والفلفل طبعا
اسيب الخبز في البولة كانها الحلة واغرف منها في الاطباق واضيف الصلصة واحيانا الدقة ودي عبارة عن توم مفروم احمره ولما يحمر اطفي النار واضيف له ملعقة خل وتتحط اخر حاجة علي وش الفته
وهنا الفتة واضح فيها الخبز البايش وعليه الصلصة والدقة
وهنا لوحبينا نخليها وجبة كاملة شوربة وفتة وزمان كانوا ياخدوا جزء من الشوربة يحطوا فيها شوية رز مستوي او فائض من اكل اليوم السابق
وهنا التشكيلة كاملة ولكم ان تختاروا اي منها او تكون وجبة كاملة مشكلة كله حسب الذوق وبالف صحة وعافية
تعليقات