الرز باللبن طعم وهمي

رز بلبن
المقادير : كيلو حليب -نص ملعقة صغيرة فانيليا-كوب وربع رز مصري -حوالي كوب ونص سكر او حسب الذوق
اغسل الرز واحطه في مية تغطيه علي النار وولما تغلي اوطي النار لحد لما يستوي وان احتاج مية ازود شوية المهم انه مش يكون مفلفل وبعد لما يستوي احط كوب ونص سكر او حسب الذوق

اقلب السكر كويس واوطي النار
اجيب كوب واملا نصه لبن حليب من الكيلو اللي محضراه واضيف ملعقه كبيرة نشا وزيها لبن بودرة واقلبهم كويس

احط كيلو الحليب ولما يغلي اضيف اللبن اللي فيه النشا واضيف بايدي الشمال مع التقليب باليد اليمين واضيف الفانيليا

لحد لما يبقي بالتخانة دي يعني مش غليظ القوام ولا سايل خفيف واطفي واغرف

اغرفه في اطباق صغيرة وممكن اسيبه سادة او ازوقه بالمكسرات او الفول السوداني

ابرده في التلاجة وبالف هنا وشفا ينفع في الصيف وفي رمضان