الخميس، 27 مارس 2014

دورة المحاشي و الاكلات المصرية الخبيزة

الخبيزة من الاكلات المصرية القديمة ودي صورتها للي ماتعرفش اسمها او يكون ليها اسم تاني في بلدها



نقطف الورق فقط ونغسله كويس اكتر من مرة ونحطه في حلة فيها ميه تكفي لسلقه



اثناء سلق ورق الخبيزة اسلق شوية رز صغيرين في مرقة دسمة مش خفيفة لكل نص كيلو 3 ملاعق رز
بعد لما الورق يتسلق بالشكل ده



اصفي المية بس مش كلها اسيب شوية علشان حضرب في الخلاط مايبقاش ناشف وعد لما اضربه في الخلاط اسبه علي حنب لحد لما اتاكد ان الرز استوي ولو المرقه نشفت اذود لانه لازم يبقي مسلوق مش مفلفل



اجيب حلة واحط فيها الخبيزة بعد لما ضربناها في الخلاط واضيف الرز بالمرقة واغليهم واطفي النار
اعمل التقليه اخرط بصلة واقلبها في ملعقة سمن لحد لما تصفر واضيف الثوم المفروم وكسبرة ناشفة واحمرهم واحطهم علي وش الحلة





وده بعد لما غرفناها



بالف هنا وشفا يؤكل بالخبز ولو جربتوه حيبقي ادمان

ليست هناك تعليقات: