دورة المحاشي والاكلات المصرية كحك العيد

كحك العيد:
المقادير : كيلو دقيق - 2كوب كبير سمن -ملعقة كبيرة سمسم- ملعقة صغيرة سكر -ذرة ملح-ملعقة كبيرة خميرة- كوب صغير لبن -ملعقة صغيرة ممسوحة ريحة الكحك(انا مش عارفة موجودة في كل البلاد وللا لا هي عبارة عن خليط توابل عطرية لو مش موجودة نستعيض عنها بالفانيليا بكمية بسيطة جدا مع اقل من ربع ملعقة صغيرة محلب ومع نفس الكمية هيل مطحون)
اجيب بولة بلاستيك او استانليس واحط فيها الدقيق المنخول وعليه ذرة الملح والسمسم وريحة الكحك واحط السمن في حلة علي النار لدرجة الغليان واصبها ساخنة علي الدقيق واقلبها بمقصوصة (اللي بنغرف بيها الرز )ونقلب بيها علشان ايدنا لاقدر الله ماتتحرق لحد لما الدقيق يتجانس مع السمن ولما يبرد افركه بين الايدين الاتنين



اجيب كوب فيه اللبن واقلب فيه الخميرة والسكر واضيفه علي العجين اللي برد واعجن لحد لما يتجانس كويس اغطيه بقطعة قماش واسيبه حوالي نص ساعة يخمر
اقطع كرات صغيرة واحط فيها الحشوة اللي تناسيبني مكسرات او تمر او بدون حشو حسب الرغبة انا هنا حطيت فسدق وبعدين نكورها واحطها في قالب الكحك



ارص في صينية فرن بس اسيب مسافات علشان مايلزقش



بعد لما اخلص الكميةاسيبه يخمر حوالي ساعة واسخن الفرن علي نار متوسطة وادخل الكحك الفرن لحد لما ياخد اللون الدهبي وبعد لما يبرد ارش عليه السكر

هنا بعد خروجه من الفرن





وهنا بعد مارشينا السكر



وبالف هنا وشفا

تعليقات

إرسال تعليق

المشاركات الشائعة من هذه المدونة

اللحمه البارده او الرستو لعزومات رمضان

صورة
عرق التربيانكو هو عباره عن عمود من اللحم زى اللى فى الصوره كده ولحمته بتبقى اشد من لحم الفلتو لان لحم الفلتو طرى جدا جدا جدا تقريبا اطرى قطعه فى العجل كله المقادير عرق وزن كيلو ونص تقريباً بصل مقطع جزر مقطع بالطول وجزره مقطعه قطع كبيره توابل ملح وفلفل وجوزه الطيب وقرفه وحبهان ومستكه فلفل اسمر حب قطعه زبده ومعلقه زيت ذره خيط عادى او دوباره الطريقه التربيانكو بنجيبه من الجزار احيانا الجزار بيحشيه ويربطه بالدوباره وبيقى جاهز للطهى لكن انا هنا جبته زى ماهو علشان تشوفوه بننضف على قد ما نقدر طبقه الدهون اللى بتبقى حواليه ونغسله كويس وبأى اله حاده رفيعه وممكن المقوار اللى بنحفر بيه الكوسه ندخله كده فى العرق ونلفه كأننا بنقور الكوسه علشان نوسع مكان للحشو نقطع جزر شرايح بالطول وندخل الجزر فى الفتحه اللى عملناها ولو المقوار او الاله الحاده قصيره نعمل نفس الخطوه اللى فاتت الناحيه التانيه برده من قطعه اللحمه بحيث نقدر ندخل الجزر من الناحيتين ونعمل شقوق بالسكين بالشكل ده فى قطعه التربيانكو الشقوق اللى عملناها دى لكم مطلق الحريه فى ناس بتحب تحشيها توم صحيح ا
قراءة المزيد

طريقة عمل لحم مفروم كذاب ( بدون لحم ) بنفس طعم اللحم

صورة
ياااااه تعبت أوى فى العنوان الطويل ده  ;)  الفكره كنت قرأتها على النت وبصرحه قلت ناس over اوى . ولأن التجربه خير دليل قولت أجربها . وبصراحه أنبهرت وأتصدمت وذُهلت وحاجات كتير كده حصلتلى ... مش ممكن دى نفس طعم اللحمه .. طب جايز لو الولاد داقوها يحسوا بفرق الطعم . * " يا شبااااااااااااااااب " بنادى على أولادى  * " تعالوا دوقوا كده "  * " طعمها مظبوط يا ماما "  ضحكه شريره نيهاااااا .... الأول   * " تحفه يا ماما .. هتعمليهالنا سندوتشات دلوقتى " نيهاهاهاهاهاهاها ضحكه أكثر شراً .. الثانى  * " أنا عايسها بالكاتسب " هاهاهاهاها حتى أنت يا بروتس دخلت عليك ... الثالث  وكان فعلا العشا هو السندوتشات اللى فوق دى . الحكايه كلها فى شوية كبد وقوانص الفراخ .. نفرمهم فى الكبه .. الكبه مش المفرمه لأن العروق اللى فى القوانص مش هتتفرم فى المفرمه وهتوقفها . ونعصجها عادى زى اللحم المفروم العادى .  تعصيج اللحم  بصله مقطعه مكعبات صغيره نشوحها فى ماده دهنيه ( سمن أو زيت ) لحد ما تبقى طريه ..ممكن نضيف لها ثوم .
قراءة المزيد

صينية الشاورما هتدوبي في طعمها

صورة
صينية الشاورما نضع كمية من الزيت في القدر ونضع بصل مقطع شرائح مع رشة ملح .. حتى يذبل البصل ويطلع كل ماؤه .. عندما يذبل البصل نضيف ربع ملعقة ثوم مفروم .. ثم نضيف الدجاج المقطع شرائح ( أوراك وصدور ) .. عندما يتغير لونه ويكون نص استواء .. نضيف ملعقة صغيرة بهارات شاورما .. ومثلها فلفل أسود ومثلها زنجبيل .. ويترك المزيج حتى ينضج تماماً .. ونحط فحمة مشتعلة في زيت ويغطى لتعطي نكهة الشواء .. نحضر صوص التغطية .. مايونيز بنكهة الثوم وجبن سائل وطحينة وعصرة ليمون .. نضع في صينية الفرن أصابع بطاطا مقلية .. ثم الشاورما .. ثم الصوص وتوضع في الفرن حتى يتحمر الوجه .. وتزين حسب الرغبة وتقدم .. أو يعمل ساندوش ..
قراءة المزيد