دورة المحاشي والاكلات المصرية درس6 محشي ورق العنب


محشي ورق العنب
نحضر الخلطة المعتادة بتاعتنا واسلق ورق العنب لو كان طازج اما لو كان محفوظ احشي علي طول
افرد ورق العنب حنلاقي ناحية خشنة وناحية ناعمة اخلي الخشنة من فوق وهي دي اللي ححط عليها الخلطة



احط الخلطة بتساوي كانها سطر واسيب الاجناب فاضية وابدا الف واطبق الاجناب مش اسيبها زي الكرنب واحاول الفه مضغوط مش مرتخي وكل ما نلف نضغط الرز لجوة واسيبكم مع الصور توضح اللف




 
وهنا بعد اللف
اجيب حلة وافرشها باعناق ورق العنب او لو فيه اوراق مقطعة وماتنفع محشي
وابدا ارص الوحدات واخلي حرف اللف لتحت



اضيف له المرقة لحد لما تغطيه ولو خايفين يفك احط فوق المحشي طبق قابل للحرارة واسيب المرقة تغلي واوطي النار واشيل الطبق واغطي لحين السوا (معلهش نسيت اصور الخطوة دي )





وبالف صحة وعافية
وعلي فكرة يفضل عمل خلطة ورق العنب بدون لحم مفروم لانه بيضيع المزازة اللي فيه لما بتنحط

تعليقات

إرسال تعليق

المشاركات الشائعة من هذه المدونة

اللحمه البارده او الرستو لعزومات رمضان

صورة
عرق التربيانكو هو عباره عن عمود من اللحم زى اللى فى الصوره كده ولحمته بتبقى اشد من لحم الفلتو لان لحم الفلتو طرى جدا جدا جدا تقريبا اطرى قطعه فى العجل كله المقادير عرق وزن كيلو ونص تقريباً بصل مقطع جزر مقطع بالطول وجزره مقطعه قطع كبيره توابل ملح وفلفل وجوزه الطيب وقرفه وحبهان ومستكه فلفل اسمر حب قطعه زبده ومعلقه زيت ذره خيط عادى او دوباره الطريقه التربيانكو بنجيبه من الجزار احيانا الجزار بيحشيه ويربطه بالدوباره وبيقى جاهز للطهى لكن انا هنا جبته زى ماهو علشان تشوفوه بننضف على قد ما نقدر طبقه الدهون اللى بتبقى حواليه ونغسله كويس وبأى اله حاده رفيعه وممكن المقوار اللى بنحفر بيه الكوسه ندخله كده فى العرق ونلفه كأننا بنقور الكوسه علشان نوسع مكان للحشو نقطع جزر شرايح بالطول وندخل الجزر فى الفتحه اللى عملناها ولو المقوار او الاله الحاده قصيره نعمل نفس الخطوه اللى فاتت الناحيه التانيه برده من قطعه اللحمه بحيث نقدر ندخل الجزر من الناحيتين ونعمل شقوق بالسكين بالشكل ده فى قطعه التربيانكو الشقوق اللى عملناها دى لكم مطلق الحريه فى ناس بتحب تحشيها توم صحيح ا
قراءة المزيد

طريقة عمل لحم مفروم كذاب ( بدون لحم ) بنفس طعم اللحم

صورة
ياااااه تعبت أوى فى العنوان الطويل ده  ;)  الفكره كنت قرأتها على النت وبصرحه قلت ناس over اوى . ولأن التجربه خير دليل قولت أجربها . وبصراحه أنبهرت وأتصدمت وذُهلت وحاجات كتير كده حصلتلى ... مش ممكن دى نفس طعم اللحمه .. طب جايز لو الولاد داقوها يحسوا بفرق الطعم . * " يا شبااااااااااااااااب " بنادى على أولادى  * " تعالوا دوقوا كده "  * " طعمها مظبوط يا ماما "  ضحكه شريره نيهاااااا .... الأول   * " تحفه يا ماما .. هتعمليهالنا سندوتشات دلوقتى " نيهاهاهاهاهاهاها ضحكه أكثر شراً .. الثانى  * " أنا عايسها بالكاتسب " هاهاهاهاها حتى أنت يا بروتس دخلت عليك ... الثالث  وكان فعلا العشا هو السندوتشات اللى فوق دى . الحكايه كلها فى شوية كبد وقوانص الفراخ .. نفرمهم فى الكبه .. الكبه مش المفرمه لأن العروق اللى فى القوانص مش هتتفرم فى المفرمه وهتوقفها . ونعصجها عادى زى اللحم المفروم العادى .  تعصيج اللحم  بصله مقطعه مكعبات صغيره نشوحها فى ماده دهنيه ( سمن أو زيت ) لحد ما تبقى طريه ..ممكن نضيف لها ثوم .
قراءة المزيد

صينية الشاورما هتدوبي في طعمها

صورة
صينية الشاورما نضع كمية من الزيت في القدر ونضع بصل مقطع شرائح مع رشة ملح .. حتى يذبل البصل ويطلع كل ماؤه .. عندما يذبل البصل نضيف ربع ملعقة ثوم مفروم .. ثم نضيف الدجاج المقطع شرائح ( أوراك وصدور ) .. عندما يتغير لونه ويكون نص استواء .. نضيف ملعقة صغيرة بهارات شاورما .. ومثلها فلفل أسود ومثلها زنجبيل .. ويترك المزيج حتى ينضج تماماً .. ونحط فحمة مشتعلة في زيت ويغطى لتعطي نكهة الشواء .. نحضر صوص التغطية .. مايونيز بنكهة الثوم وجبن سائل وطحينة وعصرة ليمون .. نضع في صينية الفرن أصابع بطاطا مقلية .. ثم الشاورما .. ثم الصوص وتوضع في الفرن حتى يتحمر الوجه .. وتزين حسب الرغبة وتقدم .. أو يعمل ساندوش ..
قراءة المزيد