الخميس، 27 مارس، 2014

طريقة عمل البطاطا المشويه ( بدون فرن )



البطاطا أو البطاطا الحلوه .. من أحب الاكلات عند الاطفال 
 سهلة التحضير ..خفيفه فى الطعم ... خفيفه على الميزانيه
غنيه بالحديد ومصدر جيد لفيتامين D وفيتامين C.

طريقة التحضير :

نغسل البطاطا جيدا جداااااااا .
ونجهز الصينيه .. بوضع ورق فويل ( قصدير او ألومنيوم ). ثم ورق عادى او ورق زبده مبلول ماء ونغطى به قاع الصينيه تماما .



ثم نرص البطاطا نحاول قدر الامكان ان تكون طبقه واحده .. ولو طبقتين يبقى نضع الرفيعه فوق لأنها مش هتحتاج نار عاليه ولا وقت فى التسويه .


ونغطيها ونضعها على النار .. وبس كده .
مش هنضيف لها ماء خالص .. الورق المبلول هيعمل بخار كافى لتسويتها .هنعرف انها استوت لما نغرز فيها شوكه وتدخل بسرعه .. او نضغط عليها بأدينا خفيف نلاقيها طريه . الجزء الملامس للصينيه هيبقى كأنه محروق .. بس ده بيبقى أصعم جزء لأن سكر البطاطا بيبقى زى الكراميل .



فايدة الفويل أنه بيسهل تنظيف الصينيه لأن الورق بيلزق فيها .
معلش أنا عارفه أن الصوره مش عاطفيه بالمره .. بس حبيت أنكم تشوفوا شكل الصينيه بعد ما رفعت منها البطاطا بالفويل .


أحيانا بنشترى بطاطا بتكون مش مسكره .. ممكن تعمليها بالبشامل .. تهرسيها بعد ما تستوى وتضيفى عليها بشامل بالسكر .
بس غالبا انا بفتحها من النص وارش عليها عسل نحل وبتعجب ولادى جدااااا .

 وبألف هنا 



ليست هناك تعليقات: