كيك اللبن المغلى "خيال علمى"



المقادير:

3 بيضات - 1 ونص كوب سكر -فانيليا

كوب الا ربع لبن - معلقه كبيره زبده او سمن

1 ونص كوب دقيق - بيكنج باودر -ربع معلقه صغيره ملح


انا كتبت المقادير بالترتيب فى تلات مجموعات لان ده اللى هيحصل فى الطريقه

الطريقه بالراحه كده

اول حاجه نولع الفرن على 180 ونبطن القالب بسمن ودقيق عادى جدا "المقادير دى لصينيه صغيره"

نضرب البيض والسكر والفانيليا مع بعض لحد مايبقى لونهم فاتح وواخدين هوا كده "حوالى 5 دقايق عالسرعه العاليه"

نسخن اللبن لحد مايغلى ومعاه معلقه الزبده او السمنه وننزل بيه خط رفيع على "خليط البيض والسكر" المضروبين سوا والمضرب شغاااااااااااااااااااااااااال

لما البيض واللبن يتخلطو خلاص ننزل بالدقيق مع البيكنج باودر بتاعه والملح بس الدقيق على 3 دفعات "الخليط بتاع الكيك ده بيبقى سايل اكتر من العادى بس بتظبط فى السوا اوى"

ونصب الكلام ده فة الصينيه المتبطنه من الاول وندخله الفرن يطلع كدهو



 لااااااااااااااااااااااااازم تجربوها وتدوقوها لاولادكم بجد وهميه الجمال وطريه جدااااااااااااااااااااا


تعليقات

إرسال تعليق

المشاركات الشائعة من هذه المدونة

اللحمه البارده او الرستو لعزومات رمضان

صورة
عرق التربيانكو هو عباره عن عمود من اللحم زى اللى فى الصوره كده ولحمته بتبقى اشد من لحم الفلتو لان لحم الفلتو طرى جدا جدا جدا تقريبا اطرى قطعه فى العجل كله المقادير عرق وزن كيلو ونص تقريباً بصل مقطع جزر مقطع بالطول وجزره مقطعه قطع كبيره توابل ملح وفلفل وجوزه الطيب وقرفه وحبهان ومستكه فلفل اسمر حب قطعه زبده ومعلقه زيت ذره خيط عادى او دوباره الطريقه التربيانكو بنجيبه من الجزار احيانا الجزار بيحشيه ويربطه بالدوباره وبيقى جاهز للطهى لكن انا هنا جبته زى ماهو علشان تشوفوه بننضف على قد ما نقدر طبقه الدهون اللى بتبقى حواليه ونغسله كويس وبأى اله حاده رفيعه وممكن المقوار اللى بنحفر بيه الكوسه ندخله كده فى العرق ونلفه كأننا بنقور الكوسه علشان نوسع مكان للحشو نقطع جزر شرايح بالطول وندخل الجزر فى الفتحه اللى عملناها ولو المقوار او الاله الحاده قصيره نعمل نفس الخطوه اللى فاتت الناحيه التانيه برده من قطعه اللحمه بحيث نقدر ندخل الجزر من الناحيتين ونعمل شقوق بالسكين بالشكل ده فى قطعه التربيانكو الشقوق اللى عملناها دى لكم مطلق الحريه فى ناس بتحب تحشيها توم صحيح ا
قراءة المزيد

طريقة عمل لحم مفروم كذاب ( بدون لحم ) بنفس طعم اللحم

صورة
ياااااه تعبت أوى فى العنوان الطويل ده  ;)  الفكره كنت قرأتها على النت وبصرحه قلت ناس over اوى . ولأن التجربه خير دليل قولت أجربها . وبصراحه أنبهرت وأتصدمت وذُهلت وحاجات كتير كده حصلتلى ... مش ممكن دى نفس طعم اللحمه .. طب جايز لو الولاد داقوها يحسوا بفرق الطعم . * " يا شبااااااااااااااااب " بنادى على أولادى  * " تعالوا دوقوا كده "  * " طعمها مظبوط يا ماما "  ضحكه شريره نيهاااااا .... الأول   * " تحفه يا ماما .. هتعمليهالنا سندوتشات دلوقتى " نيهاهاهاهاهاهاها ضحكه أكثر شراً .. الثانى  * " أنا عايسها بالكاتسب " هاهاهاهاها حتى أنت يا بروتس دخلت عليك ... الثالث  وكان فعلا العشا هو السندوتشات اللى فوق دى . الحكايه كلها فى شوية كبد وقوانص الفراخ .. نفرمهم فى الكبه .. الكبه مش المفرمه لأن العروق اللى فى القوانص مش هتتفرم فى المفرمه وهتوقفها . ونعصجها عادى زى اللحم المفروم العادى .  تعصيج اللحم  بصله مقطعه مكعبات صغيره نشوحها فى ماده دهنيه ( سمن أو زيت ) لحد ما تبقى طريه ..ممكن نضيف لها ثوم .
قراءة المزيد

صينية الشاورما هتدوبي في طعمها

صورة
صينية الشاورما نضع كمية من الزيت في القدر ونضع بصل مقطع شرائح مع رشة ملح .. حتى يذبل البصل ويطلع كل ماؤه .. عندما يذبل البصل نضيف ربع ملعقة ثوم مفروم .. ثم نضيف الدجاج المقطع شرائح ( أوراك وصدور ) .. عندما يتغير لونه ويكون نص استواء .. نضيف ملعقة صغيرة بهارات شاورما .. ومثلها فلفل أسود ومثلها زنجبيل .. ويترك المزيج حتى ينضج تماماً .. ونحط فحمة مشتعلة في زيت ويغطى لتعطي نكهة الشواء .. نحضر صوص التغطية .. مايونيز بنكهة الثوم وجبن سائل وطحينة وعصرة ليمون .. نضع في صينية الفرن أصابع بطاطا مقلية .. ثم الشاورما .. ثم الصوص وتوضع في الفرن حتى يتحمر الوجه .. وتزين حسب الرغبة وتقدم .. أو يعمل ساندوش ..
قراءة المزيد